سحر عبد القوي تكتب: بعضهم وليس جميعهم

 

ليه الراجل (بعضهم وليس جميعهم) لما بيقعد جمب ست في عربية وهي اللي بتكون سايقة بيحس بإهانة؟

الراجل ببحس بإهانة لمجرد انه شايف الست خرجت من بيتها ياتاغ.... بيحس ان كيانه وميراثه مهدد لمجرد ظهور الست في الشارع... بيحس بالمنافسة الخطيرة لما بيلمح طيف ست في الشغل او في الشارع او في المواصلات

رد الفعل اللا ارادي علي الاحساس بالتهديد والمنافسة والخوف واحساسه ان في كائن اتربي علي اساس انه اقل منه خرج وبقا بيعمل نفس اللي بيعمله بيفشخه في وعيه بالتالي بنشوف افعال زي التحرش.... زي محاولة التقليل من شأن الانثي... التقليل من قدرتها علي الاداء في العمل والتحيز ضدها والاتفاق مع الذكور في محيط الشغل عليها... يعني مثلا نلاقي المدير يحابي الذكر حتي لو اقل كفاءة... يزقه في اي ركنة فيها قرش زيادة.... تحت بند اصله راجل... اصله صاحب عيال... اصله فاتح بيت.... اصله هايتجوز وعليه مسئوليات.... دي كلها اكاذيب وخدع وحيل دفاعية بيدافع بيها الذكور عن بقايا المنظومة اللي أصلوا ليها باستخدام العرف.... وجندوا لها نصوص من الدين تخدّم عليها

نادرا انك تلاقي راجل خارج المنظومة دي ومش متغذي لا اراديا بالافكار دي وبيتصرف كل التصرفات العنيفة والمهينة والخشنة والمحابية لجنسه علي حساب جنس آخر.... ودة راجع للتربية.... صعب نلاقي راجل مااترباش علي انه راجل البيت وانه احسن من اخته وان كلمته تمشي وان صوته هو اللي يعلي ومحدش يعلي صوته عليه وانه المحرم بتاع امه وممكن يمشي كلمته علي امه.... وانه يتخدم عليه ومايخدمش نفسه....

ازاي نقدر نقنع جنس اتغذي علي انه متفوق بأعضاؤه التناسلية الذكرية علي الكون اجمع بان عادي يبقي زي الست... يقعد جمب الست وهي سايقة.... يشتغل زيها يقبض زيها وانها انسان مكافئ له في كل شئ؟؟؟

هو دة السؤال اللي المفروض نسأله....

 

 

*لكل من ترغب في مشاركة الخواطر أو المقالات برجاء التواصل معنا عبر بريد الكتروني: [email protected]

 

التعليقات