حنين طارق تكتب: سبقني الموت

 
 
 
 

بأجل في اللقا دايما

ويجي الموت ويسبقني

واقول خلاص راح اتعلم

وبرده أاجله تاني

واضيع مني كل الفرص

وبتأخر في كل معاد

وحتى النظرة مخطفهاش

ولا الحقلي لمسة ايد

وعايشة العمر كله طناش

بحلم لي بعمر جديد

ومشغولة في 100 قصة

وعاملة إني بطل قومي

هعدل في حيطان مايلة

وازيل الحاجز الدولي

وبره القصة مبتكملش

ولا بمشيها للاخر

وارجع تاني اتاخر

وادي ضهري للدنيا

واضربها ب100 صرمة

واقول خلاص منيش لاعبة

ولا همشي على خطك

ولا هقبل بقوانينك

فارجع تاني اتلكع

واعاند في الزمان بغباء

واقول مسير الحي يتلاقى

فيجي الموت كما العادة

من تاني ويسبقني

*إهداء إلى روح جمالات شيحة
 
 

*لكل من ترغب في مشاركة الخواطر أو المقالات برجاء التواصل معنا عبر بريد الكتروني: [email protected]

 

التعليقات