مع الشيف أميرة في رمضان.. حضروا الأرنب المحمر

 

 

تستمر الشيف أميرة سعد في تقديم طرق خاصة بتحضير الأرانب واليوم تقدم لكم الأرنب المحمر.

المكونات

أرنب مغسول كويس جدا بملح خشن وليمون

مستكة

بصلة كبيرة مبشورة ناعم

حبة جزر

حبة طماطم

فلفل أسود

كزبرة مطحونة

ربع ملعقة صغيرة زنجبيل

2 ورق لورى

فصان حبهان

عود روزماري

طريقة التحضير

نضيف البصل الناعم المبشور على قطع الأرنب.

ثم نضيف له التوابل وندعكهم جيدا جدا، ونسيبهم يرتاحوا ويشربوا من التتبيلة 10 دقائق.

نجيب الحلة ونضع فيها ملعقتين زيت، ثم نضيف 3 فصوص مستكة.

وهنبدأ نضيف الأرنب واحدة واحدة عشان اقفل المسام ويحتفظ بطعمه وعصارته.

بعد ما يتحمر يضاف الجزر والطماطم وفصين قرنفل.

يضاف الماء المغلي على قطع الأرنب، (ملحوظة صحية متكتريش ماء الغلي عشان الڤيتامينات والقيمة الغذائية متتبددش، يا دوبك يغطي البروتين اللي بتعمليه سواء فراخ أو لحم).

ونتركهم حوالي نصف ساعة.

بعدها، انشله من الشوربة على طبق جاف ثم احمره في معلقة زبدة أو سمن بلدي.

التعليقات