روني كمال تكتب: عملات معدنية

 

الناس كالعملات المعدنيه. لكل منهم وجهان ؛وجه ظاهر لكل الناس ووجه مخفي لا يعلمه احد.

وجه يظهر في المواقف . في ناس بتظهر بريئه ونقيه لدرجه تخليك تقول ياااه هو في حد ملاك كده عالارض لحد ما في اول موقف يظهرلك الوجه الاخر للعمله وتتصدم صدمه عمرك. ازااااى ده كان ملاك؟ ازاااى بقي شيطان فجاة؟؟.

وبتبتدى تتعامل مع الناس بسوء ظن لفترة وبتندم على حسن الظن .. وعشان الطبع غلاب ؛ بترجع تانى تتعامل بحسن ظن وتثق بسرعه وتتعاد الكره مرة بعد مرة .. لحد ما توصل لنقطه لا رجوع لها . سوء الظن لحين ثبات العكس .. ودى نقطه كويسه جدا في الزمن ده اللى بقت المصالح الشخصيه اهم بكتير من العلاقات الانسانيه والصداقات.. وكمان زى ما في العملات معادن مختلفه، البشر نوعيات؛ منهم ذهب وده نوع نااادر جدا بيفضل طيب وملاك وجدع بمرور الزمن.

دهب في الاقوال والافعال. وفي نوع فضه.؛ وده بقي بيتعامل بحذر مع الناس من كتر اللى شافه من خوازيق البشر . وفي نوع نحاس ؛ ده بقي انا ومصلحتى ثم الطوفان . مبيشوفش غير نفسه .انانى جدااا . كل يوم بيظهر له وجه جديد.. ده اصعبهم في التعامل .. طبعا الدنيا بتجبرنا نتعامل مع كل الانواع دى . اصل التعامل بالعملات المعدنيه لازم وضرورى ولكن بحذر.

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *