تتجوز واحدة بتلعب كمال أجسام يا"وحش" ؟؟ و ردود: أتجوز صاحبي أحسن على الأقل بينا عيش و ملح

يحرص الشباب على الحفاظ على مظهره و تحديداً شكل و "تقسيمة" جسمه أو العضلات. و لا يخلو شارع في مصر حالياً من "جيم". و لكن ماذا لو كانت البنت هى من تهتم بعضلات جسمها و تقوي "الباي" و "التراي" ؟
سألت صفحة "جيم مصر" على الفيسبوك سؤال مرتبط بذلك حيث قالت " تحب تتجوز واحده رياضيه يا وحش
ولو تحب تتجوز ممكن تتجوز من دول؟" و وضعت 4 صور لفتيات يظهر من تكوين أجسامهم أنهم يلعبن كمال أجسام, و انهالت ردود الأفعال على الصور و السؤال و كان المعظم يسخر من كلمة "واحدة" و يصفونها بالرجل و يقول البعض "دي أرجل مني", و نعرض أمثلة للإجابات و التعليقات.
_ دي هي اللي تتجوزني يا ابو الوحوش
_ باشا انا ممكن اتجوز وحده رياضيه اه وبتروح الجيم ...تكون جسمها مظبوط مش اتجوز دكر
_ طب ودي لما أتخانق معاها مين الي يبات بره البيت
_ طيب ما اتجوز صاحبي احسن علي الاقل عارفين بعض وبينا عيش وملح
_ ودى اما احب اقولها كلمه حلوه اقولها ايه؟ عاااااش؟
_ و دي هايتجوزها ولا هايروح يتخانق بيها !
_ ههههههههههه اية دة لايمكن ومن مليووون المستحيلات الست او البنت لازم يبقى جسمها جسم انثوى زى مربنا خلقها علية مش العضلات اللى اتخوف دية
_ سؤال صغير بس انا الى اتجوزها ولا هيا الى تتجوزنى يعنى مين الى ................
_ اتجوزه واحده تكون بتروح الجيم مش الجيم اللي بيروحلها
_ دول شكلهم مش فاكرين يعني ايه انوثه
_ شـــكـــلــهـم يــع بـس دوول اللي يـقدرو علــيـكــم وعـلى افــتــراء الــرجــالــه
_ ايووة فين البنت بقا

_ فاهمين الرياضه غلط
_ هذه الهرقل هذه العتى 64 حصان وانا نصف حصان يا اخوانا اتقوا الله فينا الرحمـــــــه



التعليقات